Oscar was ‘kersie op die koek’ | Die Burger

KAAPSTAD. – Die Oscar-toekenning is die kersie op die koek van ’n merkwaardige reis oor sy held Rodriguez.

Só gesels Stephen “Sugar” Segerman oor die dokumentêre rolprent oor Sixto Rodriguez, Searching for Sugar Man, wat pas ’n Oscar ingepalm het in die kategorie vir dokumentêre rolprente.

Segerman is ’n sentrale figuur in die dokumentêr.

Die rolprent is die verhaal van Segerman en Craig Bartholomew Strydom wat Rodriguez in die 1990’s in Detroit, Michigan, opgespoor en na Suid-Afrika gebring het.

Hy en Strydom was verlede week ook in Hollywood toe die goue beeldjie aan Malik Bendjelloul en Simon Chinn (regisseurs) oorhandig is.

via Oscar was ‘kersie op die koek’ | Die Burger.